maes-e.com

gan **Ugain I Un** » Gwe Maw 23, 2007 9:41 am

Mae Bwrdd yr Iaith newydd cyhoeddi arolwg ar ddefnydd technoleg yn Gymraeg, a gynhalwyd ymhlith sefydliadau, ysgolion a’r cyhoedd yn ardal Amlwch, Ynys Môn. Felly mae’r adroddiad yn cyfle da ini ddeall agweddau a profiadau pobl mewn ardal Cymraeg o ddefnyddio meddalwedd Cymraeg

Mae’r adroddiad yn cynnwys y dau graff canlynol -

Ydy'r Rhyngwyneb Cymraeg/Meddalwedd Swyddfa ar eich cyfrifiadur yn y gwaith?
100% - yn ateb ‘nac ydy’

Ydy'r Rhyngwyneb Cymraeg/Meddalwedd Swyddfa ar eich cyfrifiadur gartref?
100% - yn ateb ‘nac ydy’

Dwisio crio!
Mae’n gadarnhau’r pwyntiau sydd wedi’u trafod ar y seiat yma ar Maes E yn diwedda.

Rydan ‘ni’ (ymgyrchwyr iaith) wedi llwyddo i newid agweddau ynglyn ag Addysg, Arwyddion Ffyrdd, Sianedl Deledu, Canu Roc yn Gymraeg. Mae’n amlwg mai TG yw’r her mwyaf nesaf.

Mae’r adroddiad ar gael o:
http://www.bwrdd-yr-iaith.org.uk/cynnwy ... 3&langID=1

gan **Hedd Gwynfor** » Gwe Maw 23, 2007 10:06 am

Onid rôl Bwrdd yr Iaith yw hyrwyddo pethau fel hyn? Pam nad yw'r Bwrdd wedi danfon pecyn at bob sefydliad cyhoeddus (gan gynnwys y sector addysg) gyda manylion ynglyn a'r holl raglenni Cymraeg y mae modd eu prynu, neu ei lawrlwytho am ddim, cyfarwyddiadau ar sut i osod fersiwn Cymraeg o Windows ar eich Cyfrifiadur ayb.

Mae fy ngwraig inne yn athrawes mewn ysgol Gynradd yn Sir Gâr, a doedd dim syniad ganddi fod meddalwedd Cymraeg yn bodoli nes i mi fynd i'r ysgol a gosod pob dim ar y cyfrifiaduron :winc:

Ond ma rhaid i hyn fod yn rhywbeth startegol, gyda'r Bwrdd yn cymryd arweiniad, er mwyn normaleiddio'r defnydd o feddalwedd Cymraeg. Byddai addysgu pawb sydd mewn ysgolion/colegau 6ed/prifysgolion Cymru bod fersiynnau Cymraeg ar gael yn ddechreuad da.

gan **Rhys** » Gwe Maw 23, 2007 10:10 am

Hedd Gwynfor a ddywedodd:Onid rôl Bwrdd yr Iaith yw hyrwyddo pethau fel hyn? Pam nad yw'r Bwrdd wedi danfon pecyn at bob sefydliad cyhoeddus (gan gynnwys y sector addysg) gyda manylion ynglyn a'r holl raglenni Cymraeg y mae modd eu prynu, neu ei lawrlwytho am ddim, cyfarwyddiadau ar sut i osod fersiwn Cymraeg o Windows ar eich Cyfrifiadur ayb.

Synnwn i ddim nad ydi'r Bwrdd wedi danfon copi(au) o'r CD at y sefydlaidau, mond bod nhw wedyn ddim yn eu defnyddio. Mae'r adroddiad yn un trist.

gan **Hedd Gwynfor** » Gwe Maw 23, 2007 10:34 am

Rhys a ddywedodd:
Hedd Gwynfor a ddywedodd:Onid rôl Bwrdd yr Iaith yw hyrwyddo pethau fel hyn? Pam nad yw'r Bwrdd wedi danfon pecyn at bob sefydliad cyhoeddus (gan gynnwys y sector addysg) gyda manylion ynglyn a'r holl raglenni Cymraeg y mae modd eu prynu, neu ei lawrlwytho am ddim, cyfarwyddiadau ar sut i osod fersiwn Cymraeg o Windows ar eich Cyfrifiadur ayb.

Synnwn i ddim nad ydi'r Bwrdd wedi danfon copi(au) o'r CD at y sefydlaidau, mond bod nhw wedyn ddim yn eu defnyddio. Mae'r adroddiad yn un trist.

Ond dyw danfon cd ddim yn ddigon. Rhaid lobio cyson, cwrdd gyda'r person sydd yng ngofal TG y sefydliad - hyd yn oed ymweld a'r sefydliadau i osod y meddalwedd ar y sustemau ayb. Efallai bod y bwrdd yn gwneud hyn, neu'n golygu gwneud hyn. Gobeithio wir. Ond buais yn siarad gyda gofalwr TG Ysgol Uwchradd ddwyieithog lleol yn ddiweddar, ac nid oedd erioed wedi clywed am Windows Cymraeg, Firefox Cymraeg na chwaeth am unrhyw feddalwedd Cymraeg arall.

gan **Ugain I Un** » Gwe Maw 23, 2007 12:16 pm

Dwi'n meddwl bod pobl fel criw T.G. Bwrdd yr Iaith, Canolfan Bedwyr a Chymdeithas Meddalwedd Cymru yn neud gwaith gret yn datblygu'r meddalwedd. Dwi'n wirioneddol teimlo'n bechod drostyn nhw - ar ol eu holl ymdrechion a llafur o gariad - does neb yn defnyddio'r fersiynau Cymraeg.

Mae'r Bwrdd yr Iaith yn neud ffys am fesuriadau eithaf di-ddim fel eu
cyhoeddiad ddoe am y 59 sefydliad sydd bellach yn gorfod neud Cynllun Iaith. Ond sneb yn coelio'n go iawn bydd polisi dwyieithog gan y Cyngor Ceiropratic neu'r Cyngor Datblygu Llaeth yn neu lot o wahaniaeth.

Mae propaganda y sefydlaid yn rhoi'r argraff bod pob dim yn lot well na'r
realiti. Felly y mae ym mob maes - nid dim ond T.G.

'Dim ond trwy ddulliau chwyldroadol etc...'
Mae'n dal mor wir heddiw ag erioed.

gan **sanddef** » Gwe Maw 23, 2007 1:05 pm

Dim syndod mewn gwirionedd, o ystyried nad yw TG Cymraeg yn cael digon o sylw yn y cyfryngau.

gan **Rhys** » Gwe Maw 23, 2007 2:59 pm

Mae canlyniadau siomedig yr adroddiad yn cael eu blogio amdanynt yma hefyd

gan **Gog yn y De** » Gwe Maw 23, 2007 4:11 pm

Rhys a ddywedodd:Mae canlyniadau siomedig yr adroddiad yn cael eu blogio amdanynt yma hefyd

Dim yn weithio...

Not Found

The requested URL /posts/2007/03/23/is-it-curtains-for-welsh-windows was not found on this server.

gan **Rhys** » Gwe Maw 23, 2007 5:06 pm

Dwi'n meddwl bod y wefan lawr ar hyn o bryd

gan **Rhoslyn Prys** » Gwe Maw 23, 2007 6:31 pm

Mae'n dda o beth cael yr arolwg yma, mae'n cadarnhau'r dybiaeth gyffredin. Fel gyda phopeth mae angen gwneud y Gymraeg ar y cyfrifiadur yn ddeniadol a'r hyn mae pobl wirioneddol eisiau.

Tydi hynny ddim mor anodd â hynny, buddsoddi tipyn o adnoddau mewn deunydd cyhoeddusrwydd soffistigedig a safonol - product placement ar raglenni S4C hyd yn oed a fyddwn ni wedi dechrau gweld symud.

Felly mae angen joban calon/meddwl. Pwy sydd am wneud - pawb + y Bwrdd.

Mae'n anodd i unigolion ddylanwadu ar y cyfryngau - mae Meddal.com yn gyson yn anfon stwff allan i'r cyfryngau, aelodau etholedig ac ati ond yn cael fawr ddim ymateb, felly mae angen cymryd camau mwy strategol i drafod gyda'n cyfryngau sut mae cydweithio yn y maes yma i godi ymwybyddiaeth a defnydd o'r Gymraeg ar gyfrifiaduron.

maes-e.com

Technoleg yn Gymraeg - 100% yn dweud NA

Technoleg yn Gymraeg - 100% yn dweud NA

'Dim ond trwy ddulliau chwyldroadol etc...'

Pwy sydd ar-lein